PALAKAD-LAKAD si Yuan sa pasilyo ng hospital. Hindi siya mapakali nang sabihin ng doktor na kailangan nang i-admit si Faith. Hanggang ngayon ay hindi pa rin makausap ng maayos ang dalaga panay lang ang tulog nito. ‘Ni hindi nga siguro namalayan nito na dinala siya sa hospital dahil nakapikit lang ito kanina nang dinala nila at panay lang ang ungol.
Ang sabi ng doktor ay may urinary tract infection daw ang pasyente na posibleng napabayaan kaya ganoon na lang kataas ang lagnat nito. Mahina rin daw ang resistensya ng pasyente, kaya kailangan mamalagi muna ito sa hospital.
Bakit ganito ang nararamdaman niya? Sa kabila kasi ng mga kasalanan ng dalaga ay abot langit pa rin ang pag-aalala niya rito. Kailangan ba niyang tawagan si Joshua? Kung talagang nagkabalikan na ang dalawa bakit hindi nito
