Minsan, ang pagkukulang ay wala na sa taong nagbibigay kung hindi sa taong binibigyan.” Papunta ako ngayon sa mall para makipagkita kay Kurt. Pinagkaisahan kasi ako nina Alyssa, Jai, Colin at Maverick kahapon.
Nasa paborito naming tambayan kami nakapuwesto at nagkukuwentuhan ng tungkol sa mga aralin namin sa iba't ibang asignatura.
Seryoso kaming nag-uusap tungkol sa Pandiwa na aralin namin sa Filipino tapos biglang may tinanong sa'kin si Colin na nagpatigil sa aming lahat.
"Edlaiza, diba talo ka sa laban niyo ni Kurt sa Hugot Contest noong Buwan ng mga Bitter?" nakangising tanong ni Colin sa akin.
"Oo, bakit mo naman natanong ang tungkol diyan?" maang na tanong ko sa kanya.
"Wala lang kasi iyong premyo hindi pa nabibigay. Diba Jai, Alyssa at Maverick?" nakangiting tanong ni Col
