NAPAKASAMA ng loob ni Elijah. Kung para kay Penelope at kay Redentor ay napakasaya ng araw na 'yon, iba sa kanya. Hindi alam ng mga ito na sa araw ng birthday ng anak, ay naroroon siya sa labas ng bahay ng mga ito, nakapark ang sasakyan at pinapanood lamang sa labas ang kaarawan ng anak. Ang bilis ng panahon, hindi niya akalain na isang taon na ang anak niya. Lumalaki itong napakaganda. Kamukha nito ang mommy nito, pero minana sa kanya ang ibang katangian.
Kuntento na sana siya sa patanaw-tanaw lang sa birthday party ng anak, nang bigla niyang makita kung paano i-announced ng Redentor na 'yon na inaalok nito si Penelope maging girlfriend. Labis siyang umaasa at nanalangin na sana'y tumanggi si Penelope.
Pero umoo ito. Official nang magkasintahan ang dalawa ngayon. Parang may punyal na tu
