"Huwag mo na kaming intindihin, Mella, masaya naman na kami," sabi ng Nanay niya nang pasyalan ang mga ito. Kasama niya si Aiden na pumunta sa inuupahang bahay nila.
"Pero Nay, gusto ko po sanang andoon kayo sa kasal ko," pakiusap niya sa Ina. Nasabi niya sa Ina na ikakasal na sila ni Aiden. At tanggap na siya ng Pamilya Del Castillo.
"Carmella, nakakahiya naman sa pamilya ni Aiden," bulong ng Nanay niya at sinulyapan nito si Aiden, na tahimik na nakaupo sa tabi niya. Alam niyang nahihiya ang Nanay niya sa mga Del Castillo, dahil na rin sa pagiging kasangkapan ng Ate Grace niya sa naging relasyon ni Mr. Del Castillo kay Mrs. Alvarez.
"Nay, napag-usapan na po namin iyan ni Aiden," sagot niya at sinulyapan si Aiden. Tumango ito at hinawakan siya sa kamay. Matapos nilang makausap ang mga m
