Pagmulat niya ng mga mata nasa puting silid siya. Kinapa ang ulo niyang nananakit na tila umiikot ang paligid. Ginala niya ang mga mata sa katamtamang laki ng silid. Kumunot ang noo niya at pilit inaalala ang mga nangyari kanina. Sa pagkakatanda niya bumiyahe siya papuntang San Sebastian at kung hindi siya nagkakamali nawalan siya ng malay sa kalsada, at sa huling alaala niya, may nakahawak sa kanya bago siya tuluyang nawalan ng malay.
"Asaan ako?" tanong niya sa sarili at sa itsura ng silid at mga kagamitan roon ay nakakasigurado siyang nasa ospital siya. Kung sinong nagdala sa kanya roon ay hindi na niya alam at kung ano ang nangyari sa kanya at bakit nasa ospital siya.
Pinilit niyang bumangon at naupo sa kama salo ang nananakit na ulo. Ngayon pa lang niya naramdaman ang ganoong katind
