Aiden's POV
Pagpasok sa opisina, hinihagis niya ang susi ng kotse at pabagsak na umupo sa swivel chair, at inikot iyon paharap sa salamin na bintana. Kung saan nakikita niya ang halos kabuuan ng Del Castillo Resort.
Pagbalik niya kagabi sa resort, kaagad niyang hinanap ang lalaking nambastos kay Carmella at kaagad pinalabas ng resort niya, kasama ang mga kasamahan nito. Ayaw niya ng gulo kaya binalik na lang niya ang bayad naman ng mga ito para hindi na humaba pa ang usapan. Basta ang nais niya, mawala oras mismo ang taong nambastos kay Carmella. Kung hindi lang malakas ang pagpipigil na ginawa niya, baka nabugbog pa niya ang dayuhan, pero ginawa niya lahat ang pagpipigil dahil ayaw niyang madala sa eskandalo ang resort. At gaya ng sinabi niya kay Carmella, ayaw niyang madikit ang pangal
