Nandito siya ngayon sa elevator at hinihintay iyon na bumukas. Kasama niya si Sir Dennis, papunta sila ngayon sa 6th floor kung nasaan ang Meeting Room ng kompanya. Kinakabahan siya ng mga pagkakataong yun dahil bukod sa ipapakilala siya bilang bagong Sekratarya. Ipapakilala din siya ni Sir Dennis Monteverde bilang nililigawan nito.
Ano kaya mangyayari? Baka bigla siyang sugurin ni Luna at sabunutan siya. Hays. Ano ba itong mga iniisip niya? Imposibleng gawin iyon sa kanya dahil mukhang mabait naman ito. Nginitian pa nga siya kaninang umaga e bago siya pumasok sa trabaho.
Bumukas na ang elevator. Agad na silang lumabas ni Sir Dennis at natungo sa Meeting Room. Nang matapat na sila sa pintuan ay bumuntong-hininga siya. Tiningnan siya ni Sir Dennis.
"Kinakabahan ka ba?" tanong nito sa ka
