"HYMAE!"
Napalingon si Hymae nang may tumawag buhat sa likuran niya. Kalalabas lang niya ng powder room at papunta sana sa kaniyang kuwarto. Hinintay niya ito at nilingon.
Una niyang napuna ang nag-aalalang mukha ni Misis Lorraine. Hindi niya maitatago na kagagaling siya sa pag-iyak. Mahahalata kaagad ang pamumula ng ilong niya at pamumukto ng mga mata dahil sa mala-labanos niyang kutis.
"Something wrong with you, hija? Ano'ng nangyari?" mga alalang tanong nito sa kaniya.
Hindi siya kaagad nakasagot. Pakiramdam niya kapag nagsalita siya ay uunahan siya ng kaniyang pagluha. Mabigat pa rin sa loob niya ang nangyari. Pinangunahan na lamang siya ni Lorraine para yayaing pumasok sa coffee shop. Hindi naman siya nakatanggi.
"Dinimote ka nila?" hindi natutuwang bulalas ni Lorraine matapos
