HINDI makapaniwala si Hymae na si Mila ang ipapalit sa kaniya ni Louie as an executive housekeeping supervisor. Okay naman sana sa kaniya iyon pero hindi niya nagustuhan ang trato nito sa kaniya. Tila mabigat ang dugo nito sa kaniya at nais pa siyang pahirapan sa trabaho. Nagpapaliwanag na nga siya kung bakit medyo natagalan siya sa kuwarto ni Audrey pero hindi siya nito pinaniwalaan.
"You should work overtime today. But, overtime without pay. Alam mo naman na may time limit ang paglilinis ng make-up room status at clean-up, 'di ba? Kapabayaan mo sa trabaho kaya dapat lang na tanggapin mo ang kaparusahan mo," masungit na wika ni Mila sa kaniya.
Sasagutin na sana niya ito pero bigla niyang naisip ang grounds sa kaniya ng kompanya. Hinayaan na lamang muna niyang maliitin siya nito. Ginawa
