PANAY sermon ang inabot ni Hymae nang makabalik si Marlon sa mesa nila. Wala rin kasing nagawa si Alice para pigilan siyang ubusin ang laman ng bote. Kulang na lang ay isama siya ni Marlon sa mga isinusubo nitong pagkain. Nainis ito sa kaniya.
"Super! Kaloka ka girl. Tingnan mo nga iyang itsura mo, para kang kaa-admit sa mental hospital. Pasalamat ka maganda ka dahil kung hindi ay walang magtitiyagang kumausap sa iyo," sermon ni Marlon.
"Ano ka ba naman, Marlon. Carry lang 'to. Kaunting hilo lang naman eh. Mamaya okay na ako. At least namanhid ako sa sakit at medyo kumapal ang balat ko," nakangiting katuwiran niya.
"Gusto mo ng sample? Isang sampal lang naman kung effective," hamon nito.
"Oy Mar, huwag baka totohanin mo," nakangising pigil ni Alice.
Hindi siya nagpaapekto. Sa halip
