KINAKABAHAN si Hymae habang papalapit sa pinto. Nang sigurado na siyang hindi makikita si Lorrence sa ilalim ng kama ay binuksan niya ang pinto. Iniluwa niyon ang bulto ni Mila. Ito ang room attendant na nasalubong niya noon na pinagalitan ni Zandra.
"Oh, Mila!" nagtatakang sambit niya. "May importante ka bang kailangan sa akin?"
Ngumiti ito sa kaniya. "Pasensiya na po sa esturbo, ma'am." Ipinakita ni Mila sa kaniya ang hawak nitong name plate niya na nilalagay sa bandang dibdib ng uniporme niya. Nakita ko po ito sa sahig doon sa labas ng coffee shop sa third floor."
Tinanggap naman niya nang iabot nito sa kaniya.
"Thank you so much, Mila. Naku hindi ko na talaga napansin kanina na nalaglag pala. Mabuti na lang at napulot mo," tuwang saad niya.
Lihim niyang napansin ang paggala ng p
