TILA nabunutan ng tinik si Hymae nang makaalis sa harapan ni Zandra. Nagsimula siyang magkaroon ng pangamba matapos ang pag-uusap nila. Parang nanggaling sa lamay ang mukha niya nang makabalik sa department niya. Napansin kaagad siya ni Alice.
"Talagang ini-record mo ang pag-uusap ninyo?" ani ni Alice habang kasalukuyan nitong pinakikinggan ang recorded conversation nila ni Zandra.
Ekseheradong napasandal siya sa upuan sabay ng malalim na buntong-hininga. Wala sa loob ang pagbukas niya ng computer.
"Zandra is really obsessed with Lorrence. At hanggang ngayon ay hinahangad pa rin niyang makamtan ang puso ni Lorrence. Pakiramdam ko ay lalong sumikip ang mundo ko. Mahirap ang nagtatago," hindi nakatingin na saad niya.
Natawa nang pagak si Alice. "Hindi pa raw tumatanggap ng manliligaw per
