NAUUNAWAAN ni Lorrence si Hymae. Hindi nga lang niya maiwasan na mangamba dahil hindi lang si Hashi ang humaganga sa nobya niya. Mayroon pang Bryan na umaaligid sa buhay nito. Hindi na nakapagtataka na kahit sino'ng lalaki ay gugustuhin si Hymae dahil sa pagiging natural nito sa sarili.
Panay ang sipat niya ng tingin sa wristwatch niya. Oras na lang yata ang binabantayan niya. Nasasabik na naman siyang matapos ang trabaho para magkita silang muli ni Hymae. Napansin siya ni Jake.
"Matagal pa ang off-duty natin. Katatapos lang kaya nating mag-lunch. Si Hymae na naman ang nasa isip mo, ano?" panghuhula ni Jake.
Napangisi siya. Nasa security control office sila ni Jake. Kabisado na kasi nito ang mga kilos niya kaya madali siya nitong nahahalata.
"Inaalala ko lang si Hymae. Marami siyang pi
