KASAMA ni Hymae si Lorrence sa isang seafood restaurant ng barko para mag-dinner. Napuna ni Lorrence ang madilim na mukha niya habang pinagsasaluhan nila ang mga inurder. Masarap ang pagkaluto ng shrimp salpicao at grilled squid pero matabang sa panlasa niya.
Hindi kasi maalis-alis sa isip niya ang kompirmadong pag-boarding ni Bryan at Cristy sa cruise na pinagtatrabahuhan niya. Tila sinadya ng mga ito na ipamukha sa kaniya ang pagtataksil ng mga ito. Hindi niya alam kung apektado pa ba siya o napuno lang siya ng galit sa mga ito.
“Sweetie? Are you okay? Hindi ba masarap ang pagkaluto?” mga untag ni Lorrence na pumukaw sa pag-iisip niya nang malalim.
Pansamantala niyang iwinaksi sa isip ang bagay na iyon. “Nothing. I mean, masarap naman. Ninanamnam ko lang at iniisip kung saan ko ito un
