Ngayon ko lang ito napansin sa loob ng ilang beses kong pagpasok sa opisina niya.
‘Siya ba ang fiancée ni William?’ agad ko namang tanong.
Maya-maya pa'y napalingon ako sa isang tila family picture nila. Inisa-isa ko ito ng tingin. Nakilala ko agad ang ama ni William, dahil kamukhang-kamukha niya ito. Napansin ko rin ang babaeng katabi nito na tila ba pamilyar sa akin. Inisip ko agad kung saan ko siya nakita. Maganda naman siya, pero hindi kasingganda ng babaeng una kong nakita sa isang frame.
Napaisip ako nang malalim. Hanggang sa masagi ko ang frame na nakapatong sa desk nang magulat ako matapos kong marinig ang pagbukas ng pinto. Halos mataranta ako kaya't wala sa isip ko na kaagad ko itong pinulot.
“Aray!” Pakiramdam ko ay nahiwa ako ng isang bagay sa daliri.
Agad ko namang isinu
