KEYCEE’s POV
"Buntis po ako…” Dinig ko ang pagsinghap ng buong klase sabay lingon sa akin nang bitawan ko ang mga salitang ‘yon. Kitang-kita ko rin kung paano natulala si Ace sa sinabi ko. Hindi siya nakagalaw sa kinatatayuan niya—akala mo natuklaw ng ahas. Diretso lamang ang tingin nito sa akin at bahagya pang namilog ang mga mata dahil sa pagkabigla.
“P-Pardon me?” nauutal niyang sabi. Pero hindi ko nagawang sumagot dahil biglang tumayo si Marian at Jezza, nilapitan nila ako at inalis nila sa magkabila kong kamay ang dalawang makakapal na librong nakapatong doon. Nang tanawin ko muli si Ace, nakita kong napahakbang siya ng isang beses, tila gusto niyang lumapit sa akin pero natigilan din siya agad nang igala niya ang tingin sa mga kaklase ko. Nakatingin kasi ang iba sa kaniya.
Pinahi
