“Sobrang lakas ng ulan saka ng hangin,” sabi niya kay Jaiyana. “May bagyo ba ngayon?”
“Meron yata,” sagot nito. Magkatabi sila nitong nakahiga ngayon pero hanggang doon lang dahil baka raw hawakan niya ang dibdib nito. “Gusto mo bang uminom ng kape?”
“Bakit?”
“Sobrang lamig kasi kaya gusto kong uminom ng mainit.” Hinakbangan siya nito para makababa ito sa kama nito.
“Saan ka pupunta?”
“Sa kusina.”
“Nang ganiyan lang ang suot mo?”
“Ano ba’ng problema sa suot ko?” nakangisi nitong tanong habang nakapamaywang pa. “Maayos naman ‘tong suot ko, ah.”
“Kitang-kita ‘yang dibdib mo,” direkta niyang sabi. “Nakakahiya kay Mang Kanor kapag nakita ka niya na ganiyan ang hitsura mo.”
“Sigurado akong tulog na siya kaya malabong makita niya ang hitsura ko ngayon,” sabi nito at tinalikuran na siya
