Alas-nueve na ng gabi pero wala pa rin si Jaiyana kaya nag-aalala na siya.
Umaga pa ito umalis pero hanggang ngayon ay wala pa rin ito. Hindi rin ito matawagan dahil naka-off ang cellphone nito.
“Jordan, wala pa ba si Petra?” tanong ng Yaya niya niya. “Aba'y gabing-gabi na, ah.”
“Wala pa nga po, eh. Kanina ko pa po siya hinihintay pero hanggang ngayon hindi pa rin umuuwi,” sagot niya rito.
“Hindi ka ba muna maliligo?” sa halip ay tanong nito. “Maligo ka nga para mawala ‘yang kalasingan mo.”
“Hindi po ako lasing, Yaya. Nakainom lang pero hindi lasing.”
“Maligo ka na nga muna roon. Bumalik ka na lang dito kapag hindi ka na amoy alak dahil nahihilo ako sa amoy mo,” sabi nito kaya para walang ingay ay sinunod na lang niya ang Yaya niya.
Pumunta siya sa kuwarto niya at naligo siya n
