“Kamukhang-kamukha mo siya, Hijo,” komento ni Yaya Tasing habang nakatingin sa anak nila na nakahiga sa sarili nitong kama na ipinasadya niyang gawin.
Para itong matanda na mayroong sariling mundo dahil mayroon itong sariling kama, closet at kung ano-ano pa. Kung ano'ng meron siya ay iyon din ang sa anak niya.
Kauuwi lang kanina nang mag-ina niya kaya parehong tulog ang dalawa. “Wala man lang nakuha kay Petra ang anak niyo,” komento naman ni Mang Kanor. “Ang lakas ng dugo mo, Hijo. Ginalingan mo siguro.”
"Aba'y, oo naman! Ginalingan talaga niya. Kailangan, eh," wika ng Yaya niya sabay hampas kay Mang Kanor. "Kita mo naman ang resulta, 'di ba?"
Ang taba ng pisngi ng anak niya na parang ang sarap kagat-kagatin. Kahit ang mga kaibigan niya ay sobra-sobra ang paghanga sa anak niya dahil s
