Umiling si Andrew. “Nang magsimula ako sa clerkship ko, hindi ko alam kung saan pupunta. Ni hindi ko sigurado kung magpupunta ako sa surgery hanggang sa maging surgical intern na ako. I tried surviving first. Hindi biro ang stress. It can kill the best student. Then it’s about having the most well-rounded surgical education. Mamimili na lang ako ng specialty na sa palagay ko ay mag-e-excel ako. Wala na sa paligid si Dad noong mga panahon na iyon dahil nagpakasal siya kay Eunice.” Napailing-iling si Andrew na para bang hindi pa rin nito mapaniwalaan na pinatos ng ama nito ang girlfriend ng sariling anak.
“Kaya naging madali sa akin ang pagtatrabaho. Walang nakikialam. Hindi na niya kami tinatakot na mapuputulan kami ng sustento kasi binigyang laya na niya kami sa trust funds namin. Wala n
