NAKILALA ni Alana ang mga kaibigan at kabanda ni Blu na sina Estong, Zane, Tutti, at Kent Lauro. Mababait ang mga ito. Masaya siya na nagkaroon ng malalapit na kaibigan si Blu. Nakilala rin niya si Trutty Charles ilang araw pagkatapos niyang magising. Napakagandang babae nito. Hindi niya sinubukang mag-isip ng mga negatibong bagay tungkol sa babaeng naging malapit kay Blu habang nahihimbing siya. Mas gusto niyang pagkatiwalaan si Blu.
Kahit nakita niya ang tensiyon sa pagitan ng dalawa, pati ang paraan ng tinginan ng mga ito. Alam niya na hindi lang isang ordinaryong kaibigan si Trutty sa paraan ng kilos at tingin ni Blu. Hindi muna niya gustong i-entertain ang isang possibility. Siguro ay hindi pa niya alam kung paano iyon pakikitunguhan. Siguro, gusto muna niyang bumalik sa kanya ang la
