GUSTO ni Alana si Trutty sa kabila ng ilang negative feelings na umusbong sa kanyang dibdib. Ang tipo kasi nito ang madaling makagaanan ng loob, parang napakadaling kaibiganin. Dahil na rin sa kaugnayan nito sa bagong mundo ni Blu, ikinatutuwa niyang marinig ang mga kuwento ni Trutty. Kasama nila ni Andres si Trutty pagbalik nila sa kanyang kuwarto.
Tahimik lang si Andres pero sapat na kay Alana na nasa malapit ang binata. Hindi niya alintana ang kaalaman na naroon ito bilang doktor niya at hindi kung anupaman.
Tinulungan ni Andres ang nurse ni Alana na maibalik siya sa kama. Normally, kaya naman niya ang simpleng gawain tulad niyon pero napagod siya sa therapy at bahagyang nanlalambot ang kanyang katawan. Gusto rin niya na mas napapalapit sa kanya si Andres.
Pinagkuwentuhan nila ni T
