"Sabi na nga ba at maganda itong si ineng kapag naayusan!"
Napangiti na lang ako sa sinabi ni Aling Merona. Tinotoo nga ni Lorden ang sinabi niya na dadalhin niya rito ang mga naging kapit-bahay ko. Iniwan niya muna kami rito para makapag-usap. Sinabi niya rin na may pupuntahan siya.
"N-nahihiya po ako sa inyo... h-hindi po ako nakapagpasalamat nang ayos sa pagtulong niyo sa akin. Ni hindi ko pa po sinabi ang pangalan ko sa inyo noon... sobrang bait niyo sa akin kahit wala akong tiwala sa inyo ng panahong 'yon."
"Ay, naku, ineng. Kahit naman sino ang makakita sa'yo sa ganoong kalagayan, tutulong talaga, ano. Mga walang puso na lang siguro ang hindi tutulong kapag ganoon," sabi ni Ate Oset.
Nakilala ko na ang mga boses nila. Kaya nasasabik na rin akong makakita nang tuluyan dahil gusto
