Masyadong mababa ang sugar level ng katawan ko kaya raw ako biglang nakaramdam ng sobrang hilo at nanghina. Idagdag pa nga ang hindi ko pagtulog sa buong magdamag.
Nito kasing mga nakalipas na araw ay hindi ko rin masyadong pansin ang pagkain ng maayos dahil nga sa iniisip ko si Duke at si Sir Damian. Kung paano ko ilalapit ang loob ng panganay kong anak sa kanyang Tatay gaya ng kanyang mga kapatid.
"Ana Joy, ano ba ang ginagawa mo at pati pagkain ay hindi mo na magawa? Paano kung nahilo ka at bumagsak sa sahig at nabagok ang ulo mo?" madiin na tanong ni Sir Damian.
"Pasensya na, Sir. Marami kasi akong ginagawa kaya madalas ay hindi ko na napapansin na oras na pala ng pagkain." Katwiran ko.
"Simula ngayon ayoko ng hahawak ka pa ng kahit anong kasangkapan na dapat linisin dito sa mansyo
