"Ano naman kaya ang ibig sabihin ni Sir Damian sa huling sinabi niya sa akin kanina tungkol kay Isko?" nadagdagan na naman tuloy ang gumugulo sa utak ko.
Hindi na rin kasi nag-usap muli ng aking amo dahil dumating na ang mga anak namin.
"Kunwari ka pa na ayaw mo sa night dress? Kesyo hindi mo kasya? At higit sa lahat, pinakita mo pa talaga kay Sir Damian?"
Heto na nga ba ang sinasabi ko. Hindi na naman ako titigilan ni Tine.
"Hindi ko sinasadya na ipakita. Akala ko kasi ikaw na naman itong kumakatok sa pinto kagabi. Hindi ko naman akalain na si Sir Damian." Paliwanag ko.
Lumaki naman ang mga mata ni Tine sa narinig.
"Si Sir Damian, kinatok ka kagabi? Iba yata 'yan, Ana Joy? Tapos nakita ka niya na naka sexy night dress na kulay pula? Anong nangyari? Magkakaroon na naman ba ng baby n
