"Ana Joy, bakit mukha ka yatang puyat? Hindi ba at nauna ka pa nga na natulog sa akin kagabi? Hayan ang laki ng mga eyebags mo. Hindi ka ba natulog? Kitang-kita ang itim na nakapalibot sa mga mata mo. Ano naman ang ginawa mo?" usisa ng kaibigan kong may kasalanan ng lahat.
Kung hindi talaga sa kung anu-anong mga pinasok niya sa tahimik kong utak ay hindi ako mapupuyat at nakatulog sana ako kagabi.
Hindi ko na sana naisipan pa na maligo at isukat ang damit na kanyang ibinigay sa akin. Hindi ko na rin sana narinig ang katok sa pinto na buong akala ko ay siya ang may gawa kaya naman walang alinlangan kong binuksan.
Sana hindi nakita ni Sir Damian na nakasuot ako ng ganung kanipis na kasuotan.
"Kainis ka kasi, Maria Kristina! Kagabi pa kita gustong-gustong sabunutan kung alam mo lang!" Tu
