Dahil kami na nga ni Tine ang bagong kasambahay sa mansion ng mga Zarrate ay agad na namin sinimulan ang mga gawaing bahay. Nag-umpisa kaming maglinis ng mga banyo ng bawat silid. Ako sa second floor at siya naman sa first floor. Hindi na lang namin pinalabas ng silid ang triplets para wala kaming inaalala sa kung ano ang ginagawa nila habang hindi namin nakikita.
Sa totoo lang, naglinis na talaga kami ni Tine simula noong dumating kami. Pero kailangan namin na magpakitang-gilas at baka agad kaming sesantihin ni Sir Damian.
"Ana Joy, bakit ba nawala sila Ate Landa at ang ibang mga kasambahay? Pati si Manang Yolly ay wala rin. Miss ko na ang mga luto niya. Huwag mong sabihin na pinalayas sila dito sa mansyon ng sabay-sabay?" naging tanong ni Tine.
Kasalukuyan naman kaming narito na sa ku
