Nakaupo si Roman sa harap ng desk niya at nakatitig sa cellphone. Gabi na at oras na para
umuwi. Subalit alam niyang bago maiuwi si Blair at muling maangkin, kailangan niyang
tumawag sa ilang mga tao. At ang unang tawag na kaniyang gagawin ay maaaring ang
pinakanakakakaba sa lahat.
Sa totoo lang, marami na siyang dinaanang mahihirap na tawag — business deals, pakikipag-
usap sa mga kakompentensiya, at kahit pa pagsara ng isang kumpanya. Pero iba ang gagawin
niya ngayon. Hindi ito tungkol sa negosyo. Tungkol ito kay Blair.
Huminga siya nang malalim habang binubuksan ang file ni Blair upang hanapin ang number na
kailangan niya. Nang nakita na ito, agad niyang tinawagan ang numero.
Sa pangalawang tunog ay sumagot ang may-ari ng kabilang linya.
“Hello? Sutton speaking,” ang may halon
