Chapter 37:
“A-Aling Lordes?”
Umupo sa tapat niya ang Ginang. Ang mga mata niyang nakatingin dito ay gumalaw upang ipukol ang titig sa tandang na nakapatong sa kaniyang biyas. Mariin siyang pumikit, at agad na huminga nang malalim.
Sana’y bigla na lang magkaroon ng himala, mabiyak ang lupa’t bigla na lang siyang hilahin nito kahit na sandali lamang. Para kasing binalatan siya’t sinabuyan ng asin dahil sa presensya ng Ginang.
Saksi ito nang kamuhian niya ang Amo niya’t iturin na parang sumpa ang pangalan ni Ryllander. Pero sa pagkakataon na ito ay hindi niya namalayan na nasa likuran niya si Aling Lordes at narinig ng Ginang ang kaniyang pagtatapat ng kaniyang tunay nararamdaman para sa Amo niya sa tandang nito.
“Ano ba, Lila? Kulang na lang ay mahalikan mo na ang iyong tuhod diyan.
