Hapon na wala pa rin si Lance, kanina s'ya naghihintay sa sala ng mansyon. Nais na n'yang masilayan ang gwapong mukha nito, para naman kahit papano mawala ang ano mang pangambang nararamdaman.
Pag-alis kanina ni Claire kinausap s'ya nina Manang Lumen at Manang Nena tungkol sa pagsasama nila ni Lance. Sinabi naman n'ya sa dalawa ang totoo, na nagsasama sila ni Lance na walang label sa isat-isa. Sinabi ni Manang Lumen na mahirap daw ang pinasok n'ya, dahil panigurado daw na iiyak s'ya sa bandang huli. Ganoon din si Manang Nena, pero ang sabi nito, hindi s'ya nito masisisi, dahil gwapo naman daw talaga si Lance at mahirap tanggihan. Lahat naman ng sinabi ng dalawa ay tama at gumugulo sa isip n'ya.
Humugot s'ya ng malalim na paghinga at nagkibit balikat, pinikit ang mga mata na tila pagod s
