Hindi s'ya mapakali pagdating sa mansyon, isang pamilya lang ang Saavedra sa bayan nila at 'yon ay ang pamilya ni Gael. Baka ang asawa ni Iya ay ang napapabalitang anak sa labas ni Mr. Saavedra. Paano kung malaman ni Lance na s'ya ang babaing tinanggihan pakasalan ni Gael Saavedra? Paano kung malaman ni Lance na s'ya ang babaing iniligtas nito sa pagpapakamatay, at dahil 'yon sa kabiguan n'ya kay Gael Saavedra. Kung bakit naman kasi napakaliit ng mundo para sa kanila ni Lance.
"Are you ok?" Tanong ni Lance na hindi n'ya namalayang nasa tabi na pala n'ya, dahil sa malalim na iniisip.
"Yeah, yeah," alanganing sagot n'ya rito at pinakatitigan ang gwapong mukha nito. Mahal na n'ya si Lance at iisa lang ang nais n'ya ang mahalin din s'ya ni Lance. Pero paano n'ya gagawin 'yon? Paano kung pagd
