MADAM BEA
Kumukulo ang dugo ko dahil nandito ngayon ang ahas sa agency namin. Sinasadya niya talagang inisin si Serenity, pero ang alaga ko ay walang pakialam sa kaniya. Just go with the flow lang siya at minsan ay binabara niya si Natalie.
"Denise, parang gusto kong maging part ng agency mo. Gusto ko rin maging model," inosenteng sabi nito.
Nagkatinginan kaming dalawa ni Denise at lihim akong napairap. Kung hindi lang siya kaibigan ng boss ko ay kanina ko pa siya pinaalis dito. Masyado siyang confident at akala mo kung sinong maganda. Diyos ko, nakakaloka ang babaeng ito.
Nag-text ako sa alaga ko na huwag na muna siyang pumunta dito pero hindi siya nakinig sa akin.
"Pwede naman pero I suggest na mag-focus ka na lang sa kumpanya ninyo."
"Ba't parang hindi ka masaya na makita ako."
