“HALIKA, kain na tayo,” anyaya ni Jed kay Mariella noong mag-lunch break sila. “Marami akong dalang pagkain. Paghatian natin,” dagdag pa niya nang ilapag ang kanyang dalang lunch bag sa ibabaw ng mesa.
Namilog ang mata ni Mariella. “Talaga? Marami kang baon ngayon?”
Tumango si Jed. “Ipinagluto nila ako sa bahay ng marami kaya bibigyan kita,” sagot niya.
“May baon din naman ako, eh,” saad naman ni Mariella nang ilabas niya ang kanyang baunan.
“Okay lang iyan para mas marami kang makain. Mahirap na baka pumayat ka pa,” nakangiting sambit niya.
Inismiran siya ni Mariella. “Hanep lang, ah. Tingin ko nga sa sarili ko, tumataba na ako. Tapos sasabihin mo sa akin na payat pa ako. Anong gusto mong mangyari? Mas tumaba pa ako?” May halong pagkadisgusto na ang mukha nito.
“Ano? Mataba ka na sa
