Agnes’ POV
SA bahay ni Lulu ko na lang hinintay si Tristan. Tinext ko na rin sa kaniya ang address ng bahay ng kaibigan ko kaya alam na niya kung saan ako pupuntahan. Nagtext ulit sa akin si Tristan nang naka-out na siya sa kaniyang trabaho. Hintayin ko na lang daw siya doon. Makalipas lang ang ilang sandali ay may nag-door bell na sa gate ni Lulu. Kasalukuyan kaming nasa salas at nanonood ng TV.
“Ako na. Diyan ka lang,” ani Lulu. Tumayo siya upang tingnan kung sino ang nasa labas.
Nang bumalik si Lulu ay kasama na niya si Tristan. Ganoon na lang ang saya na bumangon sa puso ko nang makita ko ang aking mahal na asawa. Tila parehas kami ng naramdaman dahil pagtayo ko ay mabilis siyang lumapit sa akin at mahigpit akong niyakap na para bang ang tagal naming hindi nagkita.
“Alam mo bang hi
