Pagdating sa Saavedra Santillan Hospital, sinubukan niyang maunang bumaba para maiwasan sana si Gael. Pero ayaw bumukas ng pinto.
“Gael,” tawag niya rito at lumingon ito. Nasa kalsada ang tingin.
“Gael, buksan mo ang pinto.”
“Anya, I need a wife,” seryosong sabi nito at sinulyapan siya.
Natahimik siya. Hindi niya alam ang isasagot. Isa pa, napakaseryoso ng mukha nito. Halatang hindi ito nagbibiro sa nais mangyari.
“Anya, accept my offer. Magbabayad ako ng malaki,” patuloy nito at tinitigan siya na hindi alam kung ano ang isasagot.
“Be my wife, Anya.”
“Gael! Alam mo ba ang sinasabi mo? Kasal iyan, Gael. Alam mo naman na—”
“Anya, pwede tayong magpakasal at maghiwalay pagkatapos,” putol nito sa sinasabi niya na lalo niyang kinagulat.
Kumunot ang noo niya at napatitig sa maga
