Pinikit niya ang mga mata, at hinintay ang paglapat ng mga labi ni Gael sa mga labi niya.
Napapitlag siya nang may marinig na sunod-sunod na katok mula sa pinto. Nagbukas siya ng mga mata at mabilis na tinulak si Gael palayo. Nagawa naman niya, at mabilis na lumayo dito. Ramdam niya ang pagtaas-baba ng dibdib sa tensyon at kaba ng nararamdaman sa ginawa ni Gael.
"Andito na po ang meryenda, Sir Gael," tinig mula sa likod ng pintuan.
Sinulyapan siya ni Gael. "Just a moment," nakangising bulong nito. Lumakad palapit sa may pinto. Binuksan 'yon ni Gael at pinapasok ang kasambahay na may bitbit na tray ng meryenda.
Ewan niya pero tila siya guilty at hindi makatingin sa babaeng may dalang pagkain. Matapos mailapag ang dala, dali-dali na itong lumabas ng silid. Naiwan na naman silang dalaw
