PATUNGO na kami ngayon sa ospital. Tumawag kasi si nana at sinabing gising na si mama. Matapos gamutin ni William ang sugat ko ay sakto namang pagtawag ni Nana, kaya hindi ko na naluto pa ang mechado na lulutuin ko sana. Binilin na lang namin ito sa dalawang kasambahay na nasa mansyon. Tahimik kaming dalawa sa byahe pero pansin ko ang panaka-nakang pagsulyap niya sa akin. Hindi ko na lang siya pinansin dahil alam ko namang hindi niya rin sasabihin sa akin ang gusto niyang sabihin kahit pilitin ko pa siya. Ako rin naman may sasabihin dapat sa kanya. Pero saka na lang. Ayaw kong dumagdag ngayon sa problema niya.
Agad naman siyang nakapag-park sa ospital at sabay kaming bumaba. Nauna siyang naglakad pero mabagal. Tila ba hinihintay niya ako sa tabi niya. Sabay kaming naglakad patungo sa room
