Matapos ang hindi inaasahang pangyayaring ‘yon sa opisina ni Llewyn ay hindi naman na ito nangulit kay Paprika sa maghapon. But he kept on texting her naughty stuff every now and then! Napapailing na lang s’ya sa kapilyuhan nito at nag focus sa trabaho. Sa sobrang subsob n’ya sa trabaho ay hindi na n’ya namalayan ang oras at nagulat na lang sa isang katok sa opisina n’ya. Nag-angat s’ya ng tingin nang bumukas ang pinto at iluwa sina Monette at Jona na parehong nakahanda na sa pag-uwi. Gulat na napatingin pa s’ya sa oras at nakitang limang minuto na lang ay alas singko na ng hapon kaya nagmamadali n’yang iniligpit ang mga gamit sa table n’ya. Lumapit ang dalawa sa table n’ya.
“Sabi na nga ba nakalimutan mo eh!” nakahalukipkip na sabi ni Monette kaya napatigil s’ya sa pagliligpit at napatit
