“Next week, Madame, papasok na si Dani hindi ba?”
Mula sa mga portfolio na kakabigay nito sa kanya ay umangat ang tingin ni Paprika kay Jona. Nang lingunin n’ya ang gawi ni Monette ay nakaabang din ito sa kung anong isasagot n’ya. Sa totoo lang ay nalungkot s’ya dahil sa ibinalita ni Daniella sa kanya na lilipat na ito at si Devon ng bahay. Dahil nga sa pangyayaring iyon na nakunan ito ay wala na raw dahilan para manatili pa ito sa poder ni Rike dahil tapos na ang responsibilidad nito sa asawa. Wala na ang batang naging bunga ng panggagahasa dito kaya wala na rin daw dahilan si Rike para ipagpilitan ang sarili kay Dani. Nalulungkot s’ya sa isiping hindi nag work ang set up ng mga ito para mapalapit ang mga ito sa isa’t-isa. Ang akal pa naman n’ya ay nagkakamabutihan na ang mga ito pero si
