Nanghihina si Soe habang nakatingin sa monitor ng Lambini. Ang liwanag ng kaniyang rainbow rays ay hindi kasing ningning ng mga nakalipas na panahon. Nag-uusap-usap naman ang kaniyang mga tagapayo dahil hindi sila aprubado sa pangingialam ni Soe sa ibang planeta.
"Marami ng Feroian ang nakatawid sa mundo ng mga tao at hindi naman siya nakialam. Bakit si Yu ay masyado n'yang binabantayan? Hindi pa ba sapat na naglagay siya ng tanda sa katawan ni Yu para makausap natin siyang muli?" walang takot na tanong ng isa sa mga tagapayo ni Soe.
"Nagpadala ng mensahe ang bathala. Nagagalit siya sa pakikialam ni Soe sa mundo ng mga tao. Nagbabala siya na kapag nagpatuloy ito ay parurusahan niya ang buong Feroia. Kailangan bang magsakripisyo tayong lahat dahil lang sa isang Feroian?" tanong din ng is
