SUMAPIT ANG ALAS sais ng hapon, kadarating lang nila mula sa pamimili. Kaagad na humiwalay sina Aliona at Azariah sa kanila ni Aga upang gumayak para sa hapunan. Si Von naman y huniwalay din sa kanila kanina sa mall at sinabing susunod na lang ito sa bahay nila.
Kunot ang noo na pinagmasdan ni Cadence ang garden nila na halos puro mesa at upuan. Ang buong akala niya ay sila-sila lang ang mag-didinner ngunit bakit tila isang malaking salu-salo ang magaganap mamaya.
Naramdaman niya ang isang braso na magaang yumapos sa kaniya mula sa likod. Nang lingunin ito ay agad siyang napangiti nang makita ang kasintahang si Aga iyon na nakatingin din sa tinitingnan niya kanina.
"Ilang bisita ba ang inaasahan nina mommy at daddy at parang may ikakasal na rito?" tanong niya habang nakamata lang sa pal
