HALOS mabasag ang puso ni Marissa nang makita ang ina na inaalalayan ng kapatid. Ibibenta raw nito ang lupang namana sa mga lolo at lola niya para lang may perang pampayad sa abogado. Iyon na lang ang natitirang pagmamay-ari nila ng kanyang pamilya kaya nagagalit siya sa sarili. Dahil sa kanya ay nagkanda-leche-leche ang buhay nila. Kahit alam naman niya sa loob na hindi siya ang pumatay kay Lolo Greg. Pero dahil pa rin sa kanya kaya nahihirapan ang kanyang pamilya ngayon.
Mabuti na lang at nakalapit ang kanyang kapatid sa barangay at tinulungan ang kanyang ina sa pagpapa-dialysis nito. Kahit papaano ay may panggamot ang kanyang ina. Pero hindi pa rin sapat iyon. Kaya naman walang oras sa loob ng selda na hindi umiiyak si Marissa. Pakiramdam niya ay wala na siyang kwenta.
