NAPABUGA ako nang malakas na hangin. Ako lang mag-isa rito sa bahay. Wala si Mama't Papa. Pati na rin ang magkapatid ko.
Si Ate Carmie ay nagpaalam na doon na muna raw siya kay Fabella. Habang si Cassie naman ay sinundo ni James kaninang umaga. Akala ko nga magbe-break sila pero buti na rin siguro na nagkabati sila.
Gano’n ba talaga nila ka-mahal ang isa’t isa? Iyong tipong walang makakatibag sa relasyon nila.
Kahit sobrang sakit… kung mahal naman talaga nila ang isa't isa.
Sino ako para pumigil, 'di ba? Sino ako para maging hadlang?
Mapait na lang akong napangiti. "Clare, may naghahanap sa'yo sa labas." Nakarinig ako ng katok sa kuwarto ko. Galing iyon sa boses ni Yaya Remy.
Hindi naman talaga ako mag-isa sa bahay. Kasama ko pa rin pala si Yaya Remy rito.
Pero anong sabi niya? May
