AS usual, nakita ko siya na naka-upo sa motor niya. Dala niya ngayon 'yong Zechya niya. Hindi na muna ako lumapit sa kaniya. Mula rito sa kinatatayuan ko ay pinagmasdan ko siya.
Kaninang umaga ay nandoon kami kay Tita Marilyn na kung tawagin namin ay Tita Mariganda. Ngayon, hapon na. Ka-text ko si James bago pa man din ako makarating dito.
We should talk. I wanted to apologize for what I had done. Meet me; I’d wanted to see you.
‘Yan ang eksaktong mensahe niya sa akin.
Ayaw ko sana siyang reply-an pero 'di ko naman napigilan ang sarili ko. Sumang-ayon na lang ako sa sinabi niya. Pumayag din ako na magkita kaming dalawa.
Pinagmasdan ko na muna siya. Salubong na salubong ang mga kilay niya at nakatingin lang sa kung saan. Nakasuot siya ng leather jacket. Ang guwapo niya pa rin talaga.
