Kabanata 49
NAGISING si Veronica nang tanghali na. Napatingin siya sa sahig kung saan doon natutulog si Ashton ngunit wala ito. Minabuti niyang tumayo at maligo. Nang matapos ay kaagad na rin siyang nag-ayos.
Paglabas niya ng kuwarto ay tahimik sa loob ng mansyon. Medyo nagtaka dahil hindi ito ang tipikal na mansyon na kanyang nilakihan. Pagbaba niya ay napansin niya ang maraming tao sa likuran ng mansyon. Kaagad siyang nagtungo at doon ay may ginagawang palaro.
Nandoon si Ashton at ang pamilya nito na nanonood. Kasalukuyang naglalaro ng rodeo ang kanyang mga pinsan kasama ang iba pang trabahador ng hascienda.
Napansin siya ng lalaki at kumaway lang ito. Ngumiti siya rito at bumalik sa loob. Nasa mood naman siya ngayon ngunit ayaw niya munang makipaghalubilo sa mga tao. Lalo pa't pa
