KASALUKUYANG nasa bakuran si Jean nang dumating si Ryan lulan ng traysikel. Minamaneho ito ng isang lalaking sa tingin niya ay kasing-edad lang din ni Ryan. Nasa harapang upuan ng traysikel nakaupo si Ryan. At katabi nito roon ang isang pang lalaki na sa tingin niya ay nasa dise otso pa lamang ang edad nito. Sa kilos ng tatlo ay halatang matagal nang magtropa ang mga ito.
Iginarahe ang traysikel sa gilid ng tindahan upang hindi iyon makasagabal sa kalsada. Nang makita ni Jean na bumaba na ang mga ito sa traysikel ay nagmagandang-loob siya na pagbuksan ng gate ang tatlo. Sa nakikita kasi niya ay maraming bitbit ang mga ito. Namalengke yata ng tatlo sa bayan.
Malapad ang ngiti ni Ryan nang makitang binuksan niya ang gate. Nakangiti rin sa kaniya ang dalawang lalaking nasa bandang likuran n
