KINAUMAGAHAN ay maagang gumising si Jean upang magpaalam. Kay Kathy siya nagpaalam na noon ay nasa kusina. At inalok muna siya nito na igagawa ng kape sabay tanong kung saan ang lakad o punta niya.
""Pupunta sana ako kina Maurice ngayon, te. Ang kaso nakatanggap ako ng message na may taong nakakita ng phone ko kaya unahin ko muna iyon."" Ang sagot niya rito.
Dapat nga talaga ay pupuntahan ni Jean si Maurice ngayon. Iyon talaga ang plano niya kagabi dahil ikukwento niya ang tungkol kay Travis. Kaya lang parang ang layo ng distansiya ng bahay ni Maurice sa pupuntahan niya ngayon at iniisip niya pa lang na magmamaneho na naman siya ng napakalayo ay napapagod na siya.
Baka sa susunod na lang niya bibisitahin si Maurice. Kailangan kasi talagang sadyain ang bahay nito upang magkita sila. Abal
