ANTHEA'S POV
Pagkalabas ni Anthony, narinig ko ang marahang pagsara ng pinto. Parang biglang naging masikip ang buong kwarto. Napasubsob ako sa kama, ang katawan ko'y nanginginig, ang puso ko'y bumabagsak sa bawat segundo.
Hindi ko na kaya. Parang nababalutan ng kadiliman ang buong mundo ko. Nakikita ko pa rin ang duguang mukha ni Exiel sa video – ang mga sigaw niya, ang pilat na iniwan ni Anthony sa pisngi niya. Paulit-ulit na nag-e-echo ang bawat tunog ng latigo at tubo sa isipan ko.
"Exiel..." bulong ko, napahawak sa dibdib habang patuloy sa pag-iyak. "Patawarin mo ako... hindi ko alam na ganito ang gagawin nila sa'yo..."
Humigpit ang yakap ko sa sarili ko, para bang kaya kong pigilan ang lahat ng sakit at takot na bumabalot sa akin. Gusto kong tumakbo, gusto kong lumabas at hanapin
