Chapter 56
Personal na dinalhan ni Martin ng mga pagkain ang pamilya ni Marla. Gising na si Pio pero tulala lang ito habang nasa tabi si Lideth.
"Naku Martin bakit ikaw pa ang nagdala ng pagkain dito sa amin pwede naman ako ang lumabas na lang." Nahihiyang sabi ng dalaga habang tinutulungan ito na ipasok ang tray na de gulong sa loob ng kwarto.
"Ayos lang, Umuuwi na rin kasi ang mga kasambahay namin ng ganitong oras. Halina kayo at kumain." Inilagay nito sa lamesa ang ulam, kainin, mga pinggan, kubyertos, baso at isang malamig na pitsel ng tubig.
"Maraming salamat talaga Martin. Pakisabi na rin sa iyong ina. Sobrang abala na namin sa inyo." Sabi naman ni Lideth na nakitulong sa pag-aayos ng hapag.
"Wala po 'yun tita. Ah Oo nga po pala bukas ay dadalhin na si Tito Pio sa hospital. Saka
