“HOY, saan ka pupunta?”
Masama ang tingin na pinupukol ni Piyang sa babaeng nakasagasa kay Dianna. Nasa waiting area kami ng hospital at hanggang dito ay binitbit ni Piyang ang dalagita. Nasa loob naman ng emergency room si Dianna at kasalukuyang sinusuri ng mga doktor. Pare-pareho kaming naghihintay ng balita tungkol sa huli. Ilang oras na ang lumilipad pero wala pa ring doktor na lumalabas para makabalita naman kami.
Sa dami ng dugong nawala kay Dianna, hiling ko ay makaligtas pa rin ang baby nito.
Hinaplos ko ang buhok ni Twinkle na ngayo'y nakatuluyan na ang sobrang pagod. Awang awa ako sa anak ko kanina dahil iyak ito nang iyak nang makita niyang binubuhat ng mga medic ang duguang katawan ni Dianna. It was traumatic for her.
“Tatawagan ko ang kuya ko! Can you please let me jus
